Doganat tejkalojnë planin me 160 milionë USD për 10 mujorin

Të ardhurat për periudhën 10-mujore, janë realizuar në masën 154 miliardë lek nga 138.3 miliardë lekë të planifikuara ose rreth 15.8 Mld lek më shumë (rreth 160 Mln $ më tepër). Në krahasim me 10 Mujorin 2020 jane realizuar rreth 30.3 miliardë lek më shumë(ose rreth 300 milionë USD më tepër).

Duhet vlerësuar se dhjetë mujori Janar-Tetor 2021 ka realizmin më të lartë të çdo 10-mujori në historinë e doganave, duke kaluar edhe të ardhurat e 10-mujori të vitit 2019 me rreth 18 milionë dollarë:

Sipas të dhënave zyrtare rreth 79% e rritjes së të ardhurave vjen si rrjedhojë e rritjes ekonomike, rritjes së fluksit të importit dhe mireadministrimit, ndërsa 21% si rrjedhojë e efektit të çmimeve.

Performanca 10 mujorit për taksat kryesore të mbledhura nga administrate doganore, krahasuar me një vit më parë është si vijon:

•   Taksa Doganore, + 1 miliardë lek më shumë nga rifillimi i importit të mallrave me origjinë kryesisht Kinë;
•   Akciza, në total +6.3 Mld lek që ka ardhur përgjithësisht nga: rritja e importit të karburantit me +3.4 Mld, rritja e importit të cigareve me +2.4 Mld, Birrës me rreth 216 Mln lek, etj…
•   TVSH, në total, T.V.SH-ja krahasuar me dhjetë-mujorin 2020 ka dhënë rreth 22.7 Mld lek më shumë, e stimuluar kryesisht nga:

-       +3.5 mld Lek rritja e Karburantit të importit
-       +3.3 Mld lek rritja e konsumit të mallrave të konsumit të përditshëm.
-       +2.3 Mld lek rritje nga importi i metaleve bazë.
-       +1.8 Mld lek rritje e importit te automjeteve të përdorura.
-       +1 Mld lek Energji elektrike
-       +880 Mln lek rritje e importit të veshje, tekstile.
-       +870 Mln Lek Konstruksionet metalike
-       +850 Mln lek Gaz i lengshem
-       +760 Mln lek Plastika dhe artikujt e saj,, etj…. 

• Renta, me ndikim 468 Milion lek për shkak te efektit të kombinuar midis rritjes së sasisë me rreth 31,000 ton dhe gati dyfishimit te cmimit mesatar dhjetë-mujor. Rreth 16 Mln lek plus janë siguruar nga mineralet e tjera.

Të njëtjën ecuri kanë edhe mallrat e akcizës në periudhën Janar-Tetor, në konsum, për periudhën 2016-2021 ku efetin më të madh e ka dhënë karburarantet me 83 mijë tonë më shumë se e njëjta periudhë 10 mujore e vitit të kaluar ose rreth 20 mijë tonë më shumë se rekordi i mëparshëm i vitit 2019.