Mbi reduktimin e ndjeshëm të kohës së zhdoganimit për periudhën 2016-2021

Nga të dhënat zyrtare të sistemit informatik të Drejtorisë Përgjithshme të Doganave rezulton se është ulur me 55 % koha e përpunimit të deklaratave të importit për periudhën 2016-2021, konkretisht nga 197 min/deklaratë në vitin 2016, në 88 min/deklaratë në vitin 2021.

Në tabelën e mëposhtme janë marrë të gjitha deklaratat e importit dhe koha që është shpenzuar për përpunimin e tyre. Kjo kohë përfshin momentin prej të cilit regjistrohet deklarata doganore e deri në momentin në të cilin përfundon deklarata doganore. Përllogaritja matematikisht ka propabilitet gabimi 0.

 Viti      nr dekl            koha ne min    min/dav

2016    162,748           32,016,584      197

2017    182,262           32,562,645      179

2018    194,650           29,212,398      150

2019    190,348           21,960,339      115

2020    179,821           17,660,657      98

2021    222,943           19,521,182      88
 

 Siç shikohet edhe nga tabela, koha e zhdoganimit ka ardhur në reduktim në mënyrë konstante, madje edhe gjatë kohës së pandemisë. Koha mesatare e zhdoganimit të një deklarate doganore për këtë vit është më pak se një orë e gjysëm.

Në këtë përllogaritje DPD mbështetet në të dhëna absolutisht të sakta. Këtu nuk përfshihet dhe është e pamundur matematikisht të matet koha që harxhon në kufi një kamion në institucione jashtë varësisë të Administratës Doganore, apo çdo haxhim tjetër kohe për çdo lloj arsyeje.

Vlen të theksohet se, në këtë analizë janë marrë vetëm deklaratat e importit, të cilat zënë rreth 80% të totalit të deklaratave dhe kanë kohën më të gjatë të përpunimit. Nëse do të përfshiheshin në analizë edhe deklaratat e eksportit, rezultatet do të ishin edhe më pozitive në drejtim të uljes së kohës mesatare të zhdoganimit.