NJOFTIM PËR MEDIA

Pas informacioneve të ardhura nga strukturat e Policise Kufitare, Oficeri i Policisë Gjyqësore në Seksionin për Krimin Ekonomik dhe Financiar, Komisariati Sarandë dhe Oficeri i Policisë Gjyqësore pranë Drejtorisë së Përgjithshme të Doganave kanë dërguar në Prokurori materialet proceduriale për veprat penale të "shpërdorimit të detyrës"  në ngarkim të doganierëve A. C dhe E. D.

Dy doganierët e mësipërm pretendohet se në kundështrim me Kodin e Procedurës Doganore kanë favorizuar futjen e mallit kontrabandë në pikën kufitare të Qafë- Botës.

Aktualisht këta shtetas janë shpallur në kërkim policor, pasi janë larguar nga vendi i punës.

Është bërë referim në Prokurori edhe për drejtuesit e kamionit me iniciale M.M dhe K.S, si dhe po punohet për gjetjen e bashkëpunëtorëve të tjerë të përfshirë në këtë veprimtari.

Drejtoria e Përgjithshme e Doganave e ka vlerësuar maksimalisht këtë ngjarje dhe ka marrë gjithë masat që struktura të specializuara pranë saj, në bashkëpunim me prokurorine t'i shkojnë deri në fund hetimit dhe zbardhjes të së vërtetës.