Doganat bllokojnë mallra të dyshuara për shkelje të pronësisë intelektuale 

Tiranë, 13.03.2026 - Drejtoria e Antikontrabandës dhe Drejtoria e Monitorimit, në bashkëpunim dhe koordinim intensiv me degët doganore në Kakavijë dhe në Durrës, kanë bllokuar 5340 palë atlete, që cënojnë pronësinë intelektuale për markat. 

 
Mallrat u përkasin markave "Christian Dior" dhe "New Balance" dhe bllokimi u krye në dyshimin për cënim të të drejtave të pronësisë intelektuale.

 
Bllokimi i mallrave u realizua në kuadër të angazhimit të Drejtorisë Përgjithshme e Doganës për garantimin e  barazisë në tregëtinë e lirë dhe zbatimin e ligjit.

Strukturat doganore po vijojnë verifikimet e mëtejshme për rastet.

 
Drejtoria e Përgjithshme e Doganave mbetet e angazhuar maksimalisht për të parandaluar çdo tentativë abuzimi apo shkelje të ligjit.