Ankimin në zbatim të Ligjit për Akcizat

Ankimi dhe kundërshtimi i një vendimi të degës doganore ushtrohet pranë Drejtorit të Përgjithshëm të Doganave referuar ligjit për akcizat në Republikën e Shqipërisë.

• Kur vendimi i degës doganore ka të percaktuar detyrim akcize dhe një penalitet për tu paguar, Operatori Ekonomik duhet që brenda 30 ditësh nga data e njoftimit të vendimit të degës doganore për shpalljen debitor, të depozitojë nje ankimim në postë apo në Sekretarinë e Drejtorisë së Pergjithshme të Doganave.

Kujdes!

Depozitimi apo paraqitja e ankimimit përtej afatit 30 ditor e bën ankimimin të paparanueshëm për tu shqyrtuar dhe prezumohet se operatori ekonomik nuk ka ushtruar të drejtën e ankimit të parashikuar me ligj.

Gjithashtu që ankimimi të pranohet dhe të shqyrtohet duhet gjithashtu t’i bashkëlidhet konferma bankare që verteton pagesën 100% të detyrimit të akcizes dhe dokumentin - Garancinë  e cila duhet të garantojë 100% shumën e penalitetit të percaktuar në vendim.

•  Garancia është e vlefshme vetëm kur ajo lëshohet nga Bankat e Nivelit të Dytë dhe duhet të jetë në përputhje me formatin e miratuar më poshtë.